Eflaust þekkingarleysi og öfund erlendra aðila...

Býst ekki við öðru en að svar forsvarsmanna Sterling verði á þá leið að "félagið standi traustum fótum, sennilegast aldrei staðið betur" en "hafi eins og mörg önnur flugfélög tekið eftir því umróti sem á sér stað á erlendum mörkuðum”. “Allt tal um bága stöðu félagsins er með miklum ólíkindum og hlýtur að skrifast á þekkingarleysi manna á rekstrinum”. Við höfum auðvitað fulla ástæðu til að draga slík ummæli ekki í efa...

Eflaust má vel gera ráð fyrir því miðað við umræðuna að viðskiptavild hjá Fons og tengdum félögum / Northern travel holding, hljóti að nálgast íslandsmet, jafnvel heimsmet, sé litið á sem hlutfall af stærð efnahagsreikningsins og eðli rekstrarins. Samkeppnin um mikla viðskiptavild er þó því miður mjög hörð hjá mörgum hverjum íslenskum fyrirtækjum sem hafa e.t.v. verið ansi rausnarleg við kaup / yfirtöku á öðrum félögum. Fons hefur þó vissulega sérstöðu í þeim efnum, þar sem sum félögin eru keypt og seld nokkrum sinnum, t.d. Sterling og Skeljungur, með tilheyrandi áhrifum á viðskiptavild í efnahagsreikningi fyrirtækisins. Geri aðrir betur við stækkun efnahagsreikningsins og aukningu eigin fjár! Sannarlega vel að verki staðið... Nú þarf þó vissulega óhjákvæmilega að framkvæma virðisrýrnunarpróf og færa niður viðskiptavildina samfara því. Er þá nokkuð neitt því til fyrirstöðu að kaupa og selja nokkur fyrirtæki aftur og “viðhalda” efnahagsreikningnum?

Hvernig er það annars, er Fons búið að skila inn ársreikningum sínum til Ársreikningaskrár? Samkvæmt fréttum fyrr á árinu átti félagið eftir að skila inn ársreikningum fyrir þrjú ár. Geri aðrir betur! Var Ársreikningaskrá búin að staðfesta að ársreikningarnir væru búnir að berast? Vinsamlegast leiðréttu mig telur að ég sé ekki að fara með rétt mál. Er samt ekki eitthvað meira en lítið bogið við þetta allt saman? Maður spyr sig …

Vara við Sterling

Athugasemdir

[Gunn (IP-tala skráð) 23.10.2008 kl. 04:43]

......Hehe...   það er eins og maður hafi heyrt þetta áður. 

Sterling hefur aldrei skilað arði þrátt fyrir að því hafi verið sparkað á milli  þessara stráka og margfaldað við það verðmæti sitt.  Fullt af veðsettu lofti, eða prumpi, ..... væntanlega eins og allt annað sem þessir "viðskiptasnillingar" okkar hafa komið nálagt.