Eftirtaldir fá reikninginn fyrir þessi skemmdarverk:

Ef einhverjir skyldu ekki vita það, þá er mun meiri starfsemi í þessari byggingu og kostnaður við þrif af þessu tagi fellur meðal annars á Heyrnar- og talmeinastöð Íslands sem hefur þann starfa að þjónusta þá sem eru heyrnarskertir, heyrnarlausir eða með talmein. Eins undarlega og það kann að hljóma í eyrum einhverra, hefur slík heilbrigðisstarfssemi eflaust ekkert of mikið fjármagn til að standa í því að þrífa upp eftir aðra málningu, hvað þá skipamálningu.

Allir þessir munu að öllum líkindum fá reikninginn beint eða óbeint fyrir þessi skemmdarverk (vinsamlegast ath.: 2 síður).

Hvers vegna þurfa svona skemmdarverk að bitna á þeim sem síst skyldi? Maður spyr sig...

Valhöll í baði

Athugasemdir

[Hermann Hrafn Bridde (IP-tala skráð) 13.11.2008 kl. 14:18]

Gott mál samt að fá Allt-Af í þetta. Eru mjög hæverskir í verðlagningu miðað við hvað þetta eru miklir snillingar.

[Björn Heiðdal, 13.11.2008 kl. 21:30]

Það er bara eigandi hússins sem borgar ekki leigjendur eða bílaumferðin við hliðina!

[Rýnir, 14.11.2008 kl. 00:48]

Sælir piltar,

og takk fyrir athugasemdirnar.

Hermann Hrafn: Fínt að vita af því. Aldrei að vita nema það gæti orðið mikið að gera hjá þeim þegar fram líða stundir...

Bjarni Þorkell: Hvert er gereyðingarvopnið (og var virkilega bara eitt atriði / aðili / flokkur sem olli þessu öllu saman)? Spyr sá sem ekki veit. Rök vinsamlegast, ekki upphrópanir án rökstuðnings eins og eru svo algengar í dag. Staðhæfingar án rökstuðnings flokkast sem rökleysur og eru oft á tíðum ekki mikið mark á takandi.

Björn Heiðdal: Fínt að fá inn hingað einhvern sem þekkir vel til hvernig rekstur á húseigninni Háaleitisbraut 1 er háttað... Hvað hefurðu fyrir þér í þessum efnum? Telurðu virkilega að þeir sem eru með aðstöðu í byggingunni muni ekki þurfa að greiða kostnaðinn við hreinsunina, beint eða óbeint, annaðhvort í gegnum sameiginlegan útgjaldasjóð eða í formi hærri leigu til eiganda byggingarinnar? Það væri þá eitthvað alveg nýtt fordæmi held ég. Eigandinn greiðir þá samkvæmt sömu rökum einnig hita og rafmagn fyrir leigjendur, algerlega beint úr eigin vasa þá, eða hvað?

Góðar kveðjur,

[Fannar frá Rifi, 14.11.2008 kl. 17:10]

Ég fylgdist mikið með þegar óeyrðirnar urðu í París 2005. vann með öðrum ritgerð um málið.

í óeyrðunum var gríðarlega mikið af skemmdarverkum. hundriðir bíla voru brenndir af æstum múgnum. Búðir voru rændar og allt brotið sem hægt var að brjóta. þeir urðu bara að sýna reiði sína í verki. 

en hverjir áttu þessar eignir? fátækt fólk sem mátti ekki við því að missa neitt. óeyrðirnar urðu til þess að þeir verst settu áttu minna heldur en áður.

slíkt ofbeldi bitnar alltaf á þeim sem síst skyldi og minnst meiga sín.